ДАХ-ХХХ "РАЗВІТАННЕ З ТАХЕЛЕСАМ" 13 верасня 2016 - 13 студзеня 2017

ПРАГРАМА ФЕСТЫВАЛЯ:

http://dachxxx.blogspot.com.by/p/blog-page_6.html

Выстава Алеся Родзіма і фестываль ДАХ-ХХХ

“GLOBAL WARNING/ GLOBAL WARMING”
Беларускі мастак Алесь Родзім болей вядомы за мяжой, чым на радзіме. Выстава “Global Warning/ Global Warming”, якую можна назваць плёнам яго творчага жыцця, цягам многіх гадоў пастаянна экспанавалася на галоўных выставачных плошчах культавага берлінскага кунстхаўса “Тахелес”, няспынна папаўняючыся новымі творамі. Паводле самых сціплых падлікаў, яе наведала не меней за мільён гледачоў не раўнуючы з усяго свету. Тысячы з іх менавіта дзякуючы мастаку даведаліся пра існаванне такой краіны, як Беларусь.
У той самы час, Алесь Родзім заўсёды прагнуў паказаць свае галоўныя творы на радзіме. Урэшце, гэтае памкненне ўрэчаіснілася. На выставе гледачы змогуць убачыць карціны, напісаныя цягам яго 13-гадовай рэзідэнцыі ў “Тахелесе”. У Менск прыедуць цыклапічныя паводле сваіх памераў творы – у тым ліку, і “Міфалагема тысячагоддзяў”, якая лічыцца найбуйнейшай карцінай у еўрапейскім мастацтве. Аўтар працаваў над ёй цягам пяці гадоў!
Жывапісная манера Алеся Родзіма арганічна спалучае па-майстроўску выпісаныя фігуратыўныя выявы з псіхадэлічнай атмасферай татальнага хаоса. Асязальнае і метафізічнае, сучаснасць і пазачасовасць, філасофія і інтуіцыя, пазнавальныя для кожнага вобразы і пачвары з нетраў падсвядомасці – усё гэта ўтварае неверагоны візуальны і сэнсавы палімпсест. Часам падаецца, нібы творы мастака набываюць трэцяе вымярэнне, і таму цяжка верыцца, што ён выкарыстоўвае самыя звычайныя фарбы і палатніну.
На паверку гэты хаос падаецца разбуральным – ён нібы расчапляе звыклы нам свет на асобныя мікраэлементы. Але калі прыгледзецца, можна адчуць тую энергію жыцця, якую выпраменьваюць гэтыя творы.
Бачыць гэтыя карціны замала – глядач павінен уступаць з імі ва ўзаемадзеянне. Цікава было назіраць за тым, як некаторыя наведвальнікі “Тахелеса” сядалі насупраць іх і медытавалі ледзь не гадзінамі.
Гэтая выстава – унікальная для мінчукоў магчымасць пазнаёміцца з творамі легендарнага мастака. Такой магчымасці не было раней і болей не будзе.
Вернісаж выставы Global Warning. Global Warming стане таксама і адкрыццём юбілейнага, 30-га фестывалю саверсізму і ігдрасілізму ДАХ, які мае дэвіз "Развітанне з "Тахелесам".
Фестываль ДАХ-ХХХ, які нарадзіўся ў "Тахелесе" і сёлета святкуе 15-гадовую гадавіну, магчыма, стане самым працяглым форумам у гісторыі мастацтва. Прынамсі, беларускага. Канцэрты, перформансы, літаратурныя чытанні, кінапаказы прадоўжацца ажно да 13 студзеня 2017 года !
У апошнія гады фэст нярэдка эксперыментаваў з фарматам, вырашаючы важныя грамадскія задачы і шукаючы падыходы да рознай аўдыторыі. Але гэтым разам публіку чакае менавіта той шалёны “Дах”, які ўжо паспеў стаць культавай з’явай у гісторыі сучаснага беларускага мастацтва.
“Тахелеса” ў Берліне болей няма, але на чатыры месяцы ён адродзіцца ў Менску!
Адкрыццё: 13 верасня 2016 , а 18 00 (уваход вольны).
Месца дыслакацыі: Адкрытая прастора "ВЕРХ" (Мінск, вул. Куйбышава. 22, 6 паверх , завод "Гарызонт")
Пракуратары:

Прэс-рэліз
Зьміцер Юркевіч
Алесь Родзім
Арт-суполка імя Тадэвуша Рэйтана
+375 33 375 72 50
lefthunder@gmail.com
www.facebook.com/groups/374511820986/
www.vk.com/club1485098
3

ДАХ-XXV "Вяртанне"

Тадэвуш Рэйтан. Рэха-Даху-ІІ. 30 траўня 2014

ДАХ-XXIV

Суботнік у Грушаўцы ад Даху...

ДАХ-ХХІІІ

Першая навукова-практычная канферэнцыя “Рэйтаны. Гісторыя роду-гісторыя краіны”

Арт-суполка імя Тадэвуша Рэйтана

Першая навукова-практычная канферэнцыя

“Рэйтаны. Гісторыя роду-гісторыя краіны”

Імя Тадэвуша Рэйтана, аднаго з самых вядомых і шанаваных у сьвеце беларусаў, зяўляецца сінонімам  патрыятызму і любові да Бацькаўшчыны. Але, што мы ведаем аб сваім нацыянальным героі? Што мы ведаем пра ягоны род? У якім стане знаходзіцца родавае котлішча Рэйтанаў у вёсцы Грушаўка? І што мы павінны зрабіць, каб гістарычная памяць нашага народу пра сваіх герояў  ажыла?

Удзельнікі канферэнцыя паспрабцюць адказаць на гэтыя і шматлікія іншыя пытаньні, бо род Рэйтанаў даў  Беларусі яшчэ і знакамітых пісьменьнікаў, ваяроў і дзяржаўцаў.

У канферэнцыі бяруць удзел беларускія навукоўцы, краязнаўцы і энтузіасты: А.Мальдзіс, А.Жлутка, В.Гарбачова, Ф.Чарняўскі, М.Баўтовіч, З.Сіцька, А.Дзярновіч, А.Мацук, М.Волкаў, Н.Дыдышка, Ю.Зялевіч, І.Гавіна, З.Крымоўскі,А.Балаш, З.Юркевіч і інш.

У праграме мерапрыемства: даклады , дыскусіі, а таксама паказ дакументальных стужак “Обратный отсчёт. Тадевуш Рейтан.Беларуский Дон –Кіхот” (ОНТ) і  рэж. А.Ясінскай “Суботнік у Грушаўцы”, “ Апошняя з роду Рэйтанаў” (прэм’ера) .

Запрашаем усіх, хто цікавіцца гісторыей і культурай Беларусі. Уваход вольны.

Арганізатар мерапрыемства :Арт-суполка імя Тадэвуша Рэйтана

 Месца і час: Менск, Палац Мастацтва, вул.Казлова, 3, канферэнц-заля.  22 сакавіка . Пачатак - 11:00 .   Уваход вольны.

                                                          Увечары, як працяг канферэнцыі, адбудзецца

фэстываль эксперыментальнага мастацтва

“ДАХ”-ХХІІІ   - “Забытым Героям”

Удзел бяруць мастакі Алесь Родзін, Зміцер Шапавалаў ды  Яўген Шчарбач (суполка “Neon Head”), Літаратары: Віктар Шніп, Альгерд Бахарэвіч, Музыкі:  Ільля Сін vs Яўген Рагозін, Алег Жудкі, , Уладзімір “Acid”, гурты:   ESSA з праэктам “NIAMIHA”, “Бабэобі”, "Абодва" , “КААSAAR”,  Project “?!” . Плануецца ўдзел:  “Ліцьвіны”,  Алеся Сівохіна, Капэля Алеся Лася.

Кіна-паказ дакументальных стужак рэж. А.Ясінскай “Суботнік у Грушаўцы”, “ Апошняя з роду Рэйтанаў” (прэм’ера) .

 Пачатак: 17:30   Уваход: Вольны

Зьміцер Юркевіч, сакратар Арт-суполкі    

Кантакт: lefthunder@gmail.com

http://reyten.blogspot.com/       

Тадэвуш Рэйтан

Тадэвуш Рэйтан - Tadeusz Reyten - Tadevuš Rejten

арт-суполка імя Тадэвуша Рэйтана спец-структура міжнароднага фэстываля эксперыментальнага мастацтва "ДАХ"

http://reyten.blogspot.com/

Фэстываль эксперыментальнага мастацтва ДАХ-ХХІІ

Фэстываль эксперыментальнага мастацтва ДАХ-ХХІІ
У межах арт-праэкту Ахвяры Мастацтва
вечарына памяці нашага земляка ЧЭСЛАВА НЯМОНА
(сусветнавядомы рок-музыка,спявак,кампазітар і мастак, які нарадзіўся на беларускай вёсцы)

15 лютага 2014г.
Пачатак 17:30
Палац Мастацтва, Казлова,3
Вялікалітва, Менск,
Уваход паднявольны

Завадатары-пракуратары:
Зьміцер Юркевіч і Алесь Родзін

Вядучы :
Войскі менскі Яўген Шунэйка

Пачэсны госць:
Вера Савіна (сядзіба-музэй Чэслава Нямона)

Мастакі:
Алесь Родзін
Валерый Вядрэнка
Аляксандр Азончык

Павятовыя музыкі-эксперыментатары:
Raman Jaraš
ФАНТАСТЫЧНЫЯ ПЛЫЎЦЫ (прэкт В.Сямашкі)
DRWIWY
КНЯЗЬ МЫШКІН
MASQUI NOIR
ZARTIPO
NOIZOV KOV4EG
GENERATION SKWEEE
PLANET N
SPIT IT OUT
VESICATORIA
KAASAAR

Прыватна-уласьніцкая перформанс-суполка:
Abstract Niemen [Wёska_project] " Niemen vs Niemen" abstract jazz, experimental, mashup

Рэйтэн летнік-пленэр -фэст Грушаўка 11-18 жніўня

План правядзення мерапрыемства 18 жніўня 2013г.
Частка першая
12:00 – 15:00 
раённае свята
“З крыніц спрадвечных”
(праграма, удзельнікі….)

Частка другая
15:00 - .. 
фэстываль эксперыментальнага мастацтва ДАХ
“Тадэвуш Рэйтэн. Імя выкрэсленае з гісторыі”
1. Урачыстае адкрыццё – прамовы.
2. Паказ перформансаў: Юрась Барысевіч, тэатр “EYE”, экзарцыстычны “GESAMTKUNSTWERK”.
3. Выступ літаратараў: Зьміцер Вішнеў, Віктар Шніп , Ілля Сін, Юрась Барысевіч, Ярыла Пшанічны, анаід Агаджанава (Україна) і іншыя.
4. Канцэрт: хор “Амафор” (Рудніцкага СДК), BREVIS, Віктар Сямашка, Раман Яраш, Кабы-Кабы (Баранавічы), ZARTIPO, NOIR MASKI PROJECT «?!», PLANET N, PAVEL AMBIONT, ROOMDARK, VESICATORIA,ACID, L.BEAT, AUDIOCAN, DRUG, DEN KUKSA, COOPER ды іншыя.
Мажліва: Аляксей Жбанаў (праэкт “Песні філаматаў і філарэтаў”) 
5. Паказ відэа-стужак маладых беларускіх рэжысераў.
Адкрыцьцё мастацкай выставы па выніках плянэра - 12:00

Удзел ў фэстывале ДАХ бярэ дэлегацыя сядзібы-музэя “Пружанскі палацык”, прадстаўнікі берлінскага арт-хаўза “Тахелес”.


=====================================
ПАМЯТКА ТЫМ, ХТО НАДУМАЎ ЕХАЦЬ У ГРУШАЎКУ.
1. Абявязкова трэба мець: 

- пашпарт; 

- аптэчку !!;

- намёт-спальнік-“пенку”;

- запас прадуктаў харчаваньня;
- лыжку, відэлец, нож, талерку, кубак. Пажадана прыхапіць і ёмістасць для гатоўкі 
ежы і гарбаты.
- ліхтар;
- музычны інструмент, фарбы, вершы.. ) 

2. Табар будзе знаходзіцца побач з сядзібай роду Рэйтэнаў, якая з’яўляецца помнікам гісторыі і культуры нашай Бацькаўшчыны. Таму, звяртаемся да табарытаў – калі ласка, стаўцеся з пашанаю да гэтага месца! 

3. Катэгарычна забараняецца:

- Ужываць наркатычныя рэчывы !
- Злоўжываць алкаголем!
- Паліць побач з сядзібнымі пабудовамі!
- Разкладаць вогнішчы, акрамя адмыслова прызначаных месцаў!
Вялікая прозьба: 
Да мясцовых жыхароў просім ставіцца з пашанаю!! 

Нагадваю, што пад час летніку плануецца барацьба са сьмецьцем, якое пакінулі ШМАТЛІКІЯ “папярэднікі”; рашучы наступ на хмызьняк, які , як “ненажэрны вораг” атачае сядзібу з усіх бакоў; кансервацыйны працы на патрабуючых таго будынках.
Мастакі і мастачкі, фота-графы і фота-графіні ў выбары тэмаў не абмяжоўваюцца, але , пажадана, каб вынікі творчага працэсу мелі сувязь з унутраным або знешнім мірам гэтых мясьцінаў.
Быццам бы …
Зьміцер Юркевіч
Пракураторыя фэстывалю ДАХ
Арт-суполка імя Тадэвуша Рэйтэна
Тэл. для даведак: +375 33 3757250

Тадэвуш Рэйтэн -Tadeusz Reyten (Rejten, Reytan, Rejtan)

Абвешчаны літаратурны конкурс імя Тадэвуша Рэйтэна

Абвешчаны літаратурны конкурс імя Тадэвуша Рэйтэна
Арт-суполка імя Тадэвуша Рэйтэна, Міжнародны фэстываль саверсізму і ігдрасілізму “ДАХ”, выдавецтва “Галіяфы”, рэдакцыя альманаха “Тэксты” абвяшчаюць пра пачатак прыему твораў на конкурс гістарычнай прозы імя Тадэвуша Рэйтэна. 
На конкурс прымаюцца празаічныя творы (раман, апавяданне, эсэй, замалёўка і г.д), п’есы, навукова-папулярныя артыкулы на гістарычную тэму. 
Разглядаюцца тэксты на беларускай мове, якія раней не друкаваліся.
Асаблівая ўвага будзе нададзеная творам, прысвечаным Тадэвушу Рэйтэну.
Узяць удзел у конкурсе могуць пісьменнікі, даследчыкі, літаратурныя крытыкі, журналісты. 
Журы конкурса:

Зміцер Юркевіч;
Зміцер Вішнёў;
Міхаіл Галдзянкоў;
Ілля Сін;
Уладзімер Арлоў;

Тэксты на конкурс можна дасылаць да 1 верасня 2013 на адрас galiafy13@gmail.com, пазначыўшы тэмай ліста “Конкурс”. У лісце мусіць быць інфармацыя пра ўдзельніка конкурса: імя, прозвішча, кантактны нумар тэлефона, e-mail.
Па выніках літаратурнага конкурсу пройдзе вечарына ўзнагароджання, творы пераможцаў будуць надрукаваныя ў альманаху “Тэксты”. Найлепшыя творы, дасланыя на конкурс, могуць выйсці асобнай кнігай.

Рэха ДАХу ў Пружанах.. Тадэвуш Рэйтэн

3 ліпеня скончыў сваю працу фэстываль першы выяздны ДАХ. На гэты раз да сьпісу гарадоў , дзе раней праходзілі ДАХі (Менск,Берлін) , дадалісь Пружаны.

Наступная кропка - сядзіба роду Рэйтэнаў у вёсцы Грушаўка, Ляхавіцкага раёну.

Тадэвуш Рэйтан / Тадэвуш Рэйтэн/ Тадеуш Рейтан - ДАХ - ХХI

Увага!
Фэстываль "ДАХ"-ХХІ .
На Радзіме нацыянальнага героя Беларусі, ліцьвіна-беларуса Тадэвуша Рэйтэна.
Фэстваль праходзіць пад сьцягам вяртаньня Беларусі імя татальна забытага героя. 

З 11 па 18 жніўня 2013г.
Вёска Грушаўка, Ляхавіцкі раён, Берасьцейскай вобласьці.
11-17.08. Летнік, плянэр.

18.08. Музыка. Дзеі. Словы. Выстава -жывапіс, фота, графіка, інсталы. Кіно.
+
Фэстываль Традыцыйнай культуры (ад Адзела культуры Ляхавіцкага райвыканкама). Сьпевы. Стравы. Рамёствы.

Жадаючыя далучыцца (умовы гіперспартанскія - намёт, вогнішча, камары, цьвярозая галава, працавітыя рукі, цікавасьць да гісторыі і іншае незпалучальнае) , калі ласка, лістуйце.

Завадатары-пракуратары
Зьміцер Юркевіч і Алесь Дзю-Родзім
( Арт-суполка імя Тадэвуша Рэйтэна)
lefthunder@gmail.com

https://www.facebook.com/pages/Арт-суполка-імя-Тадэву..
http://vk.com/club52677453
http://vk.com/club14850983

Тадэвуш Рэйтан, вечарына памяці “Вяртанне Героя на Бацькаўшчыну”

Tadeusz Reytan, Тадеуш Рейтан

ПРЭС-РЭЛІЗ

Шаноўнае Спадарства! Маем гонар запрасіць Вас на вечарыну памяці Тадэвуша Рэйтана “Вяртанне Героя на Бацькаўшчыну”, якая адбудзецца 10 мая 2013 года, а 17 гадзіне ў Музеі сучаснага выяўленчага мастацтва (пр.Незалежнасці 47), у межах міжнароднага фестывалю “Дах-Крах-ХХ. Напрыканцы Канца…”.

Так склалася, што фестываль прыйшоўся акурат на 240 гадавіну першага падзелу Рэчы Паспалітай абодвух Народаў – Каралеўства Польскага і Вялікага Княства Літоўскага. Таму невыпадкова “Дах” вырашыў расказаць грамадству пра галоўнага Героя тых трагічных для нашай Бацькаўшчыны падзей: Тадэвуша Рэйтана (1742? —1780) — адметнага палітычнага дзеяча апошніх дзесяцігоддзяў існавання ВКЛ. Абраны ад Наваградскага павету паслом на Варшаўскі сойм 1773-1775, дзе павінны былі зацвердзіць 1-ы падзел Рэчы Паспалітай, Рэйтан супольна з пасламі-землякамі Самуэлем Корсакам і Станіславам Багушэвічам рашуча выступіў супраць анэксіі ўсходніх абшараў ВКЛ, уключаных у Расейскую імперыю. Страціўшы розум, скончыў жыццё самагубствам у роднай Грушаўцы (па іншай версіі — быў забіты). Яшчэ сучаснікі лічылі Рэйтана нацыянальным героем. Наступны чатырохгадовы сойм 1788—1792 гг. абвясціў Рэйтана вартым нацыянальнай жалобы, а яго дзеянні узорам для пераймання. Наш слынны зямляк стаў сімвалам паслядоўнага патрыятызму і самаахвярнасці. Яму прысвечана славутая карціна Яна Матэйкі “Рэйтан — заняпад Польшчы” (1864-1866).
Нягледзячы на тое, што ён плоць ад плоці нашай зямлі, кроў ад крыві нашага народу, Тадэвушу Рэйтану да гэтай пары не знайшлося пачэснага мейсца ў пантэоне Нацыянальных Герояў Беларусі, адной з галоўных спадкаемніц спадчыны Вялікага Княства Літоўскага. Ужо вярнуліся з “эміграцыі” – Тадэвуш Касцюшка, Адам Міцкевіч, Эмілія Плятэр, Рамуальд Траўгут, Ігнат Дамейка і дзесяткі іншых знакамітых ва ўсім свеце нашых суайчыннікаў. Але прозвішча Рэйтан не сустрэнеш на шыльдах вуліц, на помніках, барэльефах, няма ў нас і кургана, насыпанага ў ягоны гонар. Нават кнігаў пра яго няма.
Пра гэтыя, а таксама пра іншыя факты з гісторыі і сучаснасці, распавядуць госці ў час сустрэчы.
У прэзэнтацыі бяруць ўдзел: Алесь Жлутка (мовазнаўца, лацініст, гісторык), Зьміцер Санько (галоўны рэдактар выдавецтва “Тэхналогія”), Фёдар Чарняўскі (гісторык), Алесь Родзін (мастак, куратар), Сяргей Чарановіч (мастак, краязнаўца), Юрась Зялевіч (дырэктар пружанскага музея “Палацык”), Уладзімір Варанец (рэстаўратар), Зміцер Юркевіч (арт-куратар, мастак).

Фармат сустрэчы адкрыты.

Арганізатар і вядучы – Зміцер Юркевіч,
сакратар арт-таварыства імя Тадэвуша Рэйтана.

P.S.
З 23 красавіка па 15 мая ў межах фестывалю “Дах” праводзіць першую ў гісторыі Беларусі выстаўку, прысвечаную Тадэвушу Рэйтану. Яна складаецца з мастацкіх і публіцыстычных твораў, фотаздымкаў і інш.
Таксама ў гэтым годзе мы плануецца правядзенне арт-фестываля “Дах” ў Грушаўцы, родавай сядзібе Рэйтанаў.

www.facebook.com/pages/Арт-суполка-імя-Тадэвуша-Рэйтана/562381497125815

http://vk.com/id9330671

Праграма фэстывалю Дах-Крах-ХХ

23 красавіка. Адкрыццё. 17:00-21:00
Перформанс суполкі "Механёры Культуры". Канцэрт: Апанас Бацяноўскі/ Дуэт Юлія Літвінава і Раман Яраш/ Паліна Рэспубліка/ Штобы-штобы (Баранавічы)/ Нойзаў Каўчэг/ Суполка "Беларускае Дэвіянтнае Сучаснае Мастацтва" гурт Арт-"Ну, во!"

24 красавіка. Круглы стол. 17:00-21:00
Тэма вольная, прапанаваныя кірункі для дыскусіі – "Тахелес-Дах", "Берлін-Мінск", "12 год творчага супрацоўніцтва", "Сучаснае мастацтва"… Фармат адкрыты. Вядучыя — Я.Шунейка і І.Свірын, госць – Марцін Райтэр, былы дырэктар берлінскай арт-сядзібы "Тахелес".

25 красавіка. Канцэрт. 18:00-21:00
Generation Skweee, Planet N, Roomdark
Generation Skweee, (сумесны праэкт RoomDark и Kritchev vs. Ban)
RoomDark (ambient\ experimental\lo-fi\ minimal noise) /
Planet N (experimental) – электронная эксперыментальная музыка.

26 красавіка.Перформанс. 17:30-21:00
Экшн - PenAtra(C)tion"
В.Пятроў, К.Мужаў, Ю.Барысевіч, А.Зайцаў,
Экзарцыстычны Gesamtkunstwerk.

27 красавіка. Канцэрт. 17:30-21:00
Shaman Jungle ( ethno-trance, jungle, shamanic ambient, jazz)
Self Collapse/47 ( live electronics)
Elena Sizova (aka Lectra) ambient (live).

28,29 красавіка. Выходныя.

30 красавіка. Адкрыццё 2. 18:00-21:00
"Правы фланг":
Andy Boya (ЗША), Eola (ЗША), Астралапітэк (Мінск) - электронная музыка.
Музычны праект «Grind Out» (Аляксандр Мазуркевіч) і перформанс-група «Renaissance» (Кіраўнік - Веска), пры ўдзеле тэатральнай групы «Tokyo Ban» (кіраўнік - Аліна Сідарэвіч) прадстаўляюць сумесны апакаліптычны перформанс «Timeless Movement».
"Левы фланг":
EOLA (US) (Vocal pop, noise pop, psychedelic)
ANDY BOAY (US) (Psychedelic rock, experimental, lo-fi)
пры лакальнай падтрымцы:
ASTRALAPITHECUS (Мінск-Байканур)
(аўтарскія "мантры" ў выкананні хора нечалавечых істотаў, мастацкі кіраўнік Павал Гвоздь).

1 мая. Выходны.

2 мая. Канцэрт. 17:30-21:00
KAASAAR (ethereal, drone) (экс-Ritual Dub)
Art-project "?!"(lymphachill, psy chill)
ZARTIPO (avant-garde).

3 мая. 17:00-21:00
Вечарына на тэму "Радавод". Вядучы — супрацоўнік Нацыянальнага гістарычнага архіву Рэспублікі Беларусь У.Урублеўскі. Удзел бярэ Апанас Бацяноўскі , дасьледчык-аматар.
Канцэрт: Parfume Jill Jerry (Расія) "спалучае ў сабе рэзкія джазавыя воплескі, блюзавую меланхолію, пост-індустрыяльную адчужанасць і эпатаж французкага чумнога кабарэ, нямецкіх "геніяльных дылетантаў" і "нью-ёрскага ноў-вэйва") (Калінінград, Расія).
Mamihlapinatapai (Violent Russian noise-ambient live band,
Арт-Авант) (Санкт-Пецярбург,Расія).

4 мая. Перформанс. 17:30-21:00
Тэатр "EYE" . Творчая суполка " Bliacha na dachu" (Т.Кашкурэвіч), Тэатр "Крылы Халопа" (Брэст).

5,6 мая. Выходныя.

7 мая. Паэтычна-музычная вечарына. 17:30-21:00
Анаід Агаджанава і сябры (вершы ,відэа) (Львоў, Украіна),
Станіслаў Талкачоў (тэхна) (Днепрапятроўск, Украіна).
Radiokoala ( leftfield electronica, techno).

8 мая. Літаратурна-музычная імпрэза. 17:00-21:00
Казкі Уладыслава Бубена ў выкананні Насты Лабады
Арцём Кавалеўскі vs. Generation Skweee
Вольга Гапеева vs. Buben
Ілля Сін vs. Яўген Рагозін
Зміцер Вішнёў vs. Spit it Out
Ярыла Пшанічны vs. Ярыла Пшанічны
СЭНСАЦЫЙНЫ камбэк легендарнага калектыва "Спецбрыгада афрыканскіх братоў".

9 мая. Выходны.

10 мая. 17:00-21:00
Вечарына "Вяртаньне Героя на Бацькаўшчыну" .Прысвечана сусветна знакамітаму ліцвіну — Тадэвушу Рэйтану, дэпутату ад Наваградскага ваяводства Вялікага Княства Літоўскага на Варшаўскі Экстраардынарны сойм 1773г. (У 240 гадавіну Першага падзела Рэчы Паспалітай). Удзел бяруць мастакі, гісторыкі, грамадзяне і наведвальнікі.
(арганізатары: арт-суполка ім.Тадэвуша Рэйтана)
Канцэрт: Юрый Ярэмчук (кампазытар і інструменталіст, прадстаўнік радыкальных формаў (сапрана і тэнар скасафоны, кларнэт, бас-кларнэт) на духавых інструмэнтах у галіне кампазіцыі і імправізацыі. Стылістычныя перавагі: джаз і джаз-рок, фры-джаз і новая імправізацыйная музыка) (Львоў, Україна)
Князь Мышкін (саматужны гурт інтуітыўнай імправізацыі).

11 мая. 17:00-21:00
Суполка "Беларускае Дэвіянтнае Сучаснае Мастацтва"
гурт Арт-"Ну, во!" у супрацоўніцтве з фатографам І. Бесссерам
хэпенінг "А,Пака!" "Трусы апакаліпсіса".
Мастакі М. Буліч і Г.Грышель з дзеяй пад назвай "Спадзяванні Івана"
Канцэрт : Музычна-маляўнічы перформанс "Фрыдрых Самотны" (Расія)
Project_May_be (басовы дзэн) (Гародня).

12 мая. Выходны.

13 мая. 17:30-21:00
Кінапаказ малодога беларускага кіно.

14 мая. Выходны.

15 мая. Закрыццё. 17:00-21:00
Віктар Сямашка (духавая імправізацыя)
Vesicatoria (Horror / Industrial / Dark Ambient)
Sovijus ( experimental ambient electronic music) (Літва)
Перформанс "Дзяржаўнай Суполкі Перформансу ды Хэпінінгу "Механёры Культуры" (масткір Зміцер Юркевіч).

http://jazzquad.ru/index.pl?act=NEWSSHOW&id=2013041701

Юрий Яремчук выступит вместе с «Князем Мышкиным»

17.04.2013

С 23 апреля по 15 мая в минском Музее современного изобразительного искусства будет проходить международный фестиваль «саверсізму і ігдрасілізму ДАХ-КРАХ-ХХ "Напрыканцы Канца..." – колоритная и ставшая уже традиционной для Минска тусовка исполнителей и поклонников самых разных форм альтернативного искусства, близкий родственник аналогичного фестиваля, зародившегося в Берлине в 2001 году. В рамках этого фестиваля 10 мая любителей импровизационной музыки (авангардного джаза, интуитивной импровизации, нового джаза, джаза свободной формы, радикального искусства - необходимое определение отобрать самостоятельно) ждет очень любопытный концерт. В Музее современного изобразительного искусства совместно выступят группа «Князь Мышкин» (Минск, Беларусь) и Юрий Яремчук (Львов, Украина).

На нашем сайте можно найти материалы как о «Князе», так и о госте Минска из Украины. Надо сказать, что в музыкальных языках и Леонида Нарушевича и его группы «Князь Мышкин», и Юрия Яремчука есть немало «однокоренных слов», так что их совместный концерт обещает быть очень интересным. Юрий Яремчук – композитор и инструменталист, играет на сопрано и тенор-саксофонах, кларнете, бас-кларнете, тяготеет к фри-джазу и новой импровизационной музыке, но не чужд и, скажем, джаз-рока. Сотрудничал со многими известными мастерами этих направлений из Европы и России.

Концерт начнется ориентировочно в 19 часов. Столь приблизительное время связано с тем, что выступлению музыкантов будет предшествовать вечер «Возвращение героя на Родину», посвященный памяти Тадеуша Рейтана, депутата сейма Речи Посполитой 1773 года от Новогрудского воеводства ВКЛ, пламенного борца против Первого раздела Речи Посполитой.

ДАХ-ХХ ПРЭС-РЭЛІЗ

ПРЭС-РЭЛІЗ

23 красавіка 2013 года а 17 гадзіне ў Музеі сучаснага выяўленчага мастацтва (пр.Незалежнасці,47) адбудзецца адкрыццё Міжнароднага фестывалю саверсізму й  ігдрасілізму ДАХ-КРАХ-ХХ “Напрыканцы канца…”.

У кантэксце альтэрнатыўнай беларускай культуры сенняшняга дня фестываль “ДАХ” з`яўляецца буйной з’явай.  ДАХ-ІХ і ДАХ-ХІ два гады запар у Палацы мастацтва збіралі сотні мастакоў, музыкантаў, перформераў, літаратараў, фатографаў і тысячы гледачоў і каля месяца трымалі ў напрузе творчае жыццё беларускай сталіцы. Тое самае можна сказаць і пра шматлікія ДАХі ў Берліне, сталіцы Федэратыўнай Рэспублікі Германія.

ДАХ нарадзіўся ў берлінскай арт-сядзібе “ТАХЕЛЕС” у 2001 годзе, дзе ўпершыню прайшоў як, магчыма, адна з самых буйных выставак беларускага мастацтва па-за межамі краіны. З той пары ДАХ стаў сваесаблівым культурным мастом паміж дзвюмя краінамі, які аб’яднаў мастакоў не толькі беларускіх і нямецкіх, але і з ўсяго свету.

Фестываль ДАХ -- гэта часовае адлюстраванне, праменчык ТАХЕЛЕСа, які ўвабраў у сабе самае найлепшае ад першаўзора. Ён буйны і ў той жа час рухомы, цікавы і ў той жа час незразумелы, напоўнены аж да краю творамі выяўленчага мастацтва, музыкай, тэатральнымі і перформанс- выступленнямі, паэзіей. І ўсё гэта -- розныя стылі і жанры, якія могуць спалучыцца толькі пад час ДАХу.

Як і ТАХЕЛЕС, які, нарадзіўшыся 13 лютага 1990г., зазнаў перыяды росквіту -2000-2011гг. і заняпаду ў 2012 , так і  ДАХ прайшоў усе гэтыя стадыі на працягу дзесяці апошніх гадоў разам з яго нязменнымі куратарамі – Зміцерам Юркевічам і Алесям Родзіным.

Дарэчы, апошні перыяд жыцця ТАХЕЛЕСа нагадваў трылер, дэтэктыў, дзе былі захопы  выставак, майстэрань, руйнаванне мастацкіх здабыткаў, судовыя бойкі і караткачасовыя перамогі мастакоў… Гэты ДАХ прысвечаны і тым падзеям.

Як заўсёды, у выстаўках і мерапрыемствах фестывалю прымаюць удзел як прафесіяналы, гэтак і аматары, мастакі і музыканты, перформеры і літаратары… І іх будзе вельмі шмат, у тым ліку і госці з замежжа -- каля дзесяці мастакоў з ТАХЕЛЕСу, які працягвае існаванне як вандруючая арт-сядзіба, музыкі з Украіны, ЗША, Літвы, Расіі..

Некаторыя ДАХі прысвячаліся нейкім выключна цікавым для нас асобам, такім, як  Язэп Драздовіч, Чэслаў Неман… На гэты раз мы робім галоўнай постаццю ДАХа яшчэ аднаго беларуса – Тадэвуша Рэйтана, чый прыклад безагляднай любові да Бацькаўшчыны мае аналогіі толькі ў старажытныя часы , часы антычных герояў.

У розныя гады да арганізацыі ДАХа далучаліся Ігар Ермакоў, Алесь Тарановіч, Яўген Шунейка, Марцін Райтэр, Уладзіслаў Бубен, Ілля Сін, Таццяна Федарэнка, Ларыса Фінкельштэйн, Алена Карпілава і іншыя.

                                                                                        

                                                                          Пракуратары-гладыятары Зміцер Юркевіч і Алесь Родзім

Хроніка Міжнародных фестываляў саверсізму і  ігдрасілізму “ДАХ”

Дах-І – 2001г. Арт-сядзіба “Тахелес”, Берлін.

Дах-2 – 2002г. Арт-сядзіба “Тахелес”, Берлін.

Дах-3 – 2003г. Галерэя “ОНІК”. Музей кіно, Мінск.

Дах-4 – 2004г. “Другое пранікненне ў “Тахелес”. Палац Мастацтва, Мінск.

Дах-5 – 2005г. Арт-сядзіба “Тахелес”, Берлін.

Дах-6 – 2007г. “Чорныя вершнікі”. Арт-сядзіба “Тахелес”, Берлін.

Дах-7 – 2007г. “Калі –Юга”. Арт-сядзіба “Тахелес”, Берлін.

Дах-8  - 2008г., Выстаўка мастакоў “Тахелеса”. Музей сучаснага выяўленчага мастацтва, Мінск.

Дах-9 – 2009г. “Ахвяры Мастацтва”. Палац Мастацтва, Мінск.

Дах-Х -2010г., “Карані або Здабыткі Рэспублікі”. Арт-сядзіба “Тахелес”, Берлін.

Дах-ХІ – 2010г.,”Цёмныя Таямніцы Мозга”. Палац Мастацтва, Мінск.

Дах-ХІІ -2011г., Прысвечаны памяці Чэслава Немана. Палац мастацтва, Мінск.

Дах-ХІІІ -2010г., “Вечны вандроўнік і ягоныя сябры” (прысвечаны памяці Язэпа Драздовіча). Арт-сядзіба “Тахелес”, Берлін.

Дах-ХІV - 2011г., “Дах падтрымлівае “Тахелес”. Арт-сядзіба “Тахелес”, Берлін.

Астра-Дах-ХV – 2011г., “Колы вызнання”. Арт-сядзіба “Тахелес”, Берлін.

Дах-ХVІ – 2011-2012 – “Ахвяры банка”. Арт-сядзіба “Тахелес”, Берлін.

Дах-ХVІІ – 2012г., “Бела-чорна-белы”. Арт-сядзіба “Тахелес”, Берлін.

Дах-ХVІІІ- 2012г., “ Вайна”. Арт-сядзіба “Тахелес”, Берлін.

Дах-ХІХ – 2012г., “Тахелес Біенале”. Клуб “КУБ”, Берлін.

Дах-Крах-ХХ – 2013г., “Напрыканцы Канца”. Музей сучаснага выяўленчага мастацтва, Мінск.

  

  Акцыі па-за межамі Даха.

2009 -- Вечарына памяці нашага славутага земляка, музыканта  Чэслава Немана. Палац Мастацтва, Мінск.

2010 -- Вечарына памяці нашага славутага земляка , музыканта Чэслава Немана. Палац Мастацтва, Мінск.

2010 – “У каранёў Сусветнага Дрэва”, вечарына памяці мастакоў Мікалаюса Чурлёніса і Язэпа Драздовіча.

Палац Мастацтва, Мінск.

2010 – “Смерць Камісара”, вечарына памяці мастака Пятрова–Водкіна. Музей сучаснага выяўленчага мастацтва, Мінск.

Фестываль працягнецца па 15 мая 2013г.                   

 

Зміцер Юркевіч +375333757250

  Алесь Родзім +375298620542

                                                                                                                                                          

аддзел выставак 2882468